85-SULIDAUN
//
Tiagãu
Bo violãu
Konsolasãu
De bo solidãu
//
Bo refujia na bo torrãu
Pa skondé bo antintason
Bo larga Mia na Baxon
Sen un lensu na mon
Pa stanka lavas de paxon
//
Bo ka ten perdon
Toma un toniku di limon
Pa bo ka kei na txon
De mal de korason
//
ML, 20/12/2014
17-DIVA DI PE SKALSU I
Bo e un santa ki ben di seu
Ku mison di liba morna i koladera
Pa mundu interu na bo voz kabrera
Bo korpu di muza bu doa-l pa Mindelu
Bo alma di kriola patrimóniu planetariu
Pa Kabu Verdi ta lenbrabu ku sodadi
FA, 2012
84-
DIVA DI PE SKALSU II
//
Santa ki ben di séu
Pa kanta Kauberdi
Pa mundu interu
Ku voz kabrera
//
Ku bo korpu di muza
Mindelu ta venera
Monti Kara
//
Di paraizu bo alma
Di anju ta irradia Universu
ML, 19 de dzenbre 2014
83-
Pasarinha d’bik dubrod
Anpristo-m bu pena ma bu tinter
Po-m ben skribe nha kretxeu un karta
Un karta bronk k’letra mudernu
Kond N murre bu ta antirro-m
Bu txa-m k'un linsin na mon
Po-m sena nha kretxeu
ML, 06/12/2014 ( ator deskunxid)
82-
SOLIDÃU
Na solidãu
N pega na violãu
N antxi pulmãu
N resita un kansaun
Pa alivia nha korasaun
//
Un sentimentu di tormentu
toma konta di nha pensamentu
lavas d' arrependimentu
inunda nh’akanpamentu
//
Un
xamamentu d’Eliza
na julgamentu de NATELIZA
resusita nha kazamentu
Meia-lua, 29/11/2014
SONSENT SEN KALSINHA
//
//
SONSENT E UN BRAZILIN
Mindelu Sidadi modelu
Sen igual nes KANALIN
Dia i noti mêsmu duelu
Nada de violensa i txeu de vida
//
SONSENT E “VOZ D’ALMA”
Festival na Rua d’Lisboa
Karnaval na Baia das Gatas
San Jon n’ Avnida Marjinal
San Silvestre n’ Arbejilion
Kaza d’Morna na rabikada
Tibo Ponbinha na Kafe Lisboa
Dia i not c`est la même chose
Pas de violence i txeu de vida
//
SONSENT E KULTURA
Mindelact na Prasa Nova
Ta verdianiza Jon Bronkova
Ferart na rua d Luz
Ta priga na kruz
Boka boka na Ponta d’ Damata
Ta ntreté juventude en marxa
Sentre Kultural de Mindel juntin
Ma Klub Nautiku nun postalin
Koral Mindel na Prasa Nho Rok
Na selebrason d’ vida sen TROK
Mandinga de R'Bote
Na afrikanizon de Sonsente
Muzeumar na prostituison
De frut d’mar na rua d’Praia
Dia e noite a mesma coisa
Nada de violência e cheio de vida
//
SONSENT E SPORT
Tak tak Lajinha na doka
Aletismu na ”Pik d’Zau”
Siklismu na strada d’ Pau
Korrida d'San Silvestre
Na sirkular 10 PEDESTRE
Sport Mar Klub foka Marina
Futbol y Bastek na bonhe maria
Na sentre d stajiu di sr. Pontaria
Dia e note c`est le même duelu
Pas de violence i txeu de vida
//
SONSENT E PORT GRAND
Iate i Paket/kruzer ta enfeita Baia
Turistas na sidad ta konta milha
Cabnave i Moave ta vangluria fama
Freskomar ta skala kason
Pa tra resaka de marezia
Fest kavala na Praia d' Bot
Na manifestason d' gastronomia
Expomar i Klester d’ Mar na lutaria
Fragata y Marmimoso na
dzenraska
Lojas xines ta
kata sifron d’prata
Dia e noite c`est le même duelu
Pas de violence i txeu de vida
//
SONSENT E “DA-M UN KAFE ”
Bay Utel i Prasa de Namorod
Perla Kriola Bar i Furtin del Rei
Don Patu i Jardin del Mar
Kolonbin y Kave(maria)
Konsolods de prostituison
Joana i Luísa
Carla i Sofia
Renata i Ondina
Lena i Titina
Patrícia i Soraia
Makakas i Universitarias
Funsionarias y Kafeteras
Na biznise de kafetaria
Dia i noti c`est le même duelu
Pas de violence i txeu de vida
//
SOSENT E MONT D’ KARA
Morabeza i beleza Kriola
Nanda Karakunda y Mari Pexera
Rost de rezistensia mendlens n’areia
Dia e noite c`est le même duelu
Pas de violence i txeu de vida
//
SONSENT E SABE SABIN
Sen kalsinha na butkin
Sabe p’ afronta na kabukin
Sen kalsinha na rabin
Sabe pa kaga na regin
Sen KALSINHA na brakin
Sabe pa xuxu na Matijin
Dia e noite c`est le même duel
Pas de violence i txeu de vida
//
Meia-lua, 20 de nuvenbre de 2014
MINDEL, 14 DE
ABRIL 2015, 136 ONE
//
81-Sonsent E Mindelu
Sidadi modelu
Ka ten ote igual
Nes Kab Verd so mel
Dia i not c`est la meme chose
Pas de violence i txeu de vida
//
Sonsent E “Voz d’Alma”
Karnaval i festival
San Jon i San Silvestre
Prasa Nova i Rua de Lisboa
Mindelact y Prasinha d’Igreja
Lajinha y Avenida Marjinal
Ponta d' Damata i Park “Pik d’ Zau”
//
Sonsent E Port Grand
Iate i Kruzer na Baia
Sport Fishing Klub i Marina
Kafé Lisboa i Cabnove
Moave y Kafé Mar
Perla Negra y Retimar
Syrius y Frescomar
Xines y Fragata
Pont d' Agua i Fama
//
Sonsent E “Da-m un kafé”
Bay Otel i Prasa de namorod
Prasa Don Rok i prasa Don Luis
Praia de Bote i Jardin
Rei d'mar
Konsoladus di prostituison
Makakas y makakinhas
Kafeteiras y
mamaderas
Funsionarias y universitárias
Joana i Renata
Carla i Sofia
Luisa i Ondina
Lena i Titina
Patrícia i Soraia
//
Sonsent E Mont Kara
Morabeza e beleza Kriola
Nanda Karakunda i Mari Pexera
Rost de rezistensia mindlens
//
Sonsent e sabe
P'AFRONTA!
Dia e noite a mesma coisa
Nada de violencia e cheio de vida
Meia-lua, 20 de nuvenbre de 2014
80-MI E FET DE LAGRIMAS
/
Mi e fetu di
lagrimas d'ligria
pisoas di familia
atus inriflitidu
/
N ta sinti falta de
lugars pruibide
spriensias tidu
mumentus repruvode
/
Mi e
amor prumeru
atentu a misteriu
distinadu pa simiteriu
/
Dja N tive
nots en klaru
prumesas indevidu
psoas imeresedu
/
Txeu bes
N para pa N ka tinta
N rekua pa N ka taka
N txura pa N ka ri
/
N ta lenbra di
kozas ki N ka transfurma
amizads ke N ka simia
pisoas ki N ka kundina
verdadis ki N ka vintila
/
N ten sudad de
jents k' N kunkista
linbransas k'N anikila
amigs k' N pirde
/
sonhus korrunpid
kidjas invergod
amoris separod
30/10/2008, 85 aniversariu di Nhavãu
79-Mia kau
Levá de lalau
Na persigida
El gritâ pirilau
Mas un pau
Na banku
Di sanidade
Má sen maldade
(260214)
78-
Maira kerida
/
Bô larga-me statuadu
Na Nelson Mandela
Stribod na nha bingala
Sen rumu sen direson
//
Nha korason bun bun
Po-m ka dá un gritu
N xpiá pa nhas boton
N dá un speed de gongon
Pa nha mansãu de novela
/
Sen soluson na mon
N sindé un vela
Ta guardá un benson
D' onje de tud amor
/
1704201 4
77-
PASARINHU DI BERSU
//
//
Sonsent oli-m kerida
Bô é di meu nha vida
Ka dexa-m sofré MOR
N kre ser un fidju midjor
Lumiô-m nha kaminhu
Pa-m ankuntra nha kantinhu
...
//
Sonsenti nha speransa
Ambrasa-m forti na bo petu
Nina-m nen pasarinhu di bersu
Pa-m recordá nha tenpu di kriansa
Na Madeiralzinhu ta txura 4 bulaxa
//
BFA/ML,07082014
//
N`Altar de Rikria
Na fin de nha korreria
D’un vida txeu d’uai
N da luz ote puema
Pa 90 vela d Papai
//
Karregadu di paxon(ema)
Batizadu na praia di Santa Maria
Krismadu na prasa di Palmareju
Ku tudu dizeju
//
Sen benson di NATELIZA
Nha korason disliza
Lágua ratxa-m kara baxu
//
Pa-m N kai na txon
Maira abriga-m na se petu(xa)
N xinti un bébé na biberon
//
BFA: 07022014
75-
AMOR VIRTUAL
//
Na nuvela de Font de Mei
Timasita d` Olt de Mondei
Dekreta un Lei
Ta proibi amor virtual
Na sidad de karnaval
//
Olisantu po pe na padal
El korré sidad natal
Ta pdi liberdad tutal
De vida seksual
Pa tud pardal
FA, nuv 2011
74
-RUMU NOBU
//
Dja txega ora
De responde nha pais
//
Ora dja txiga
Di sirbi nha tera
//
Ku brasu abertu
Nha povu sa ta spera
//
Semea puezia d`amor
Planta arvore di paz
Kunstrui altar di sidadania
Munda spinhu di dimokrasia
//
Pa kada kauberdianu
Luta pa muda rumu
Di Patria amadu
//
FA,17set2011
73-
BUBISTA
/
Bu-s fidje pra li spadjod
Bo pra la bandunod
/
Radie ka papia
TV N k` udja-l
Tele N ka ten
Barku ka parsée
Aviaun N ka pudé
/
Pa-m mata sudad
N sprita dia klore
Nuva spanko-m n`odje
Terra N k`alkansa
080792
72-
TVS
/
N miste kume
Pa sintensia fomi
/
N miste bibe
Pa mudja guela
/
N miste durmi
Ta sunha n` ela
/
N miste kunhesimentu
Pa rikise menti
/
N miste d`ilujiu
I ruspetu di gentis
/
N miste supra
Na barkinu di paxon
/
N miste di seu
Pa rapuza alma
/
N miste di mar
Pa sipulta nha sinza
/
N miste diverti
Pa kunsula dor
/
N miste vive
Pa ngana morti
/
N miste di tudu
//
Flor na mon
Amor na korason
Dor na kaxon
Umor na nason
/
Forsaeria, 05 d janer d 2011
71
-SKOLHA
//
Eskolher u ke semear
kolher u ke plantar
semeie o amor no lar
kolhi nateliza no chão
fruto d`agamalimão
ku strume de karvão
24Set07
70-
POKA VERGONHA
No dja ka ten ruspet pa ningen
Pa-m ka da skond N fka kalod na len
Pobre d`maman ma papa ki ka kunxe bu vis
Disvergonhada PM pa bo ka skse de bo kabris
N faze-b es kansaun pa fko-b gravod na tutis
01ago86-aso
69-
FONTE DE MEI
//
Novela Timasita fetu
Na Fonte de Meiu di Mindelu
Kunta storia di Olisantu
Nun duelu di amor virtual
Pa internet na Rebera Prata
//
Na altar de bruxaria mulata
Maria Li sinde vela prateadu
Nh`alma timidu txube d` ligria
//
Flor de bananera
Jeme derriba de stera
Stendedu pa oliveira
Dexa marka na labada
//
Bia kanta rotxa skribida
Nun klimaks vulkaniku
Na varanda de padja
//
Saliners e kabrers
Patxiparloaens i mindelens
Tuka palma pa final flis
//
28102011
68-
3P
/
3 pintinhu
3 priminhu
3 antintadinhu
/
Sintadinhu nes bakinhu
Es pnika Antoninhu
So pa mo 3 midjinhu
/
Nen kibrod bikinhu
Es ta po juizinhu
Di franginhu
/
So pasod na muinhu
Es ta da galinhu
Pa kanta na plurinhu
/
02out2011
67-
TRIANGULU DI OLISANTU
//
Nha vida
A
T
E
L
I
Z
Amor i Paz
//
Na nha kurason di midju
Aliod na ragasu di Mamai
Skrebedu
NATELIZA
Ku letra maiuskula
//
Na linga di kriola
Ku muzika di Papai
Ledu fraternidadi
Na minina di odju
//
Nh` amor
Nha flor
Nha dor
//
Rozon di nha bida
Ben kintinhu
Pa iternidadi
//
08 05 10/ 220511
66-
STRADA D' PEDRA D' LUME
//
Tud plumanhazinha na strada de Pedra
de Lume ta tma arzinha de lest oh boi
po-m friska nha tet pa kond N ba pa traboi
pa ka falto-m mimoria na nha galeria de cobra
//
De dia
N ta krip krip da li
N ta krip krip de la ti
//
De not
N ta kei na kama
moda un sen alma
//
Sobed un kakin
de vin na butkin
pa-m ligra spirtin
//
Es e Djadsal nha vida
N ka pude skuse nha lida
//
sal,02abr88-aso
64-
GERRA DJA KABA
//
ago ki gerra dja kaba
no po vaidadi di parti
//
no pruveita inerjia nuklear
no faze lar pa kumnidadi
//
no pa vaidadi di ladu
no buska solidariedadi
ku
umildadi
//
no pa vaidad na si lugar
no konkista nos dignidad
//
no po vaidad na txon
no labanta kabverdianidad
//
no po vaidad nun kont
no grita liberdadi
//
(050792aso )
63-
NÔS TERRA
/
Dja Ka ten pastor
Piskador ti ta kaba
Agrikultor ka mistê fla
Jent de terra dexa sul ês
kamba nort kôzas de terra
pirdê na nuva produts d`osident
djugdja na txon bzôt dô-n kel ke bzôt ten
pa dô-n pa nô kria nôs fidje na nôs ragôs
/
sal, 27jun86-aso
62-
PRINSIZINHA
//
Ont bo taba na puder
Aoje bo ta na
pratrera
Asin ki koza e nadvera
//
Skravatura dja kunpsa
Turtura
GLOBALIZA
Ka ten dimokrasia
//
Lebanta bo bandera
Bo grita independensia
Na liberdadi di sidadania
Sal,050192
61-PUBREZA
/
/
Kuze ke N faze-bu
ki na bo sintensa
bu nigo-m justisa
//
Na solidon Olisantu
reklama un sirurjia
pa-l liberta-bu
des tra
jedia
//
160992 olisan
60-ZTrident-dentista
Un dia ex koza
tâ kabâ
nô tâ voltâ
pâ nôs kaza
pâ nô fazê
kel nô krê
kâ ten kumand
kâ ten justisa
kâ ten ierarkia
tud ke nô fazê
tâ nâ lei zé
Kin kâ ten trabôi
Tâ kâgâ oh boi
/
Sal, 071193
32-
VINGANSA DI SIDADANIA
//
Ileison tras d porta
Politikus biju na boka
Mon na kosta
Ileitors soku na rostu
//
CNE kunta sinbron
Vensidor abstenson
Partidus txupa limon
Vingansa di sidadania
//
Rejimi na txon
Prezidenti di kueka
Parlamentu di bikini
Governu di tanga
Tribunal di “ lingerie”
//
Pais “altar di nha petu”
Mudansa adiadu
Povu burladu
Dimokrasia sfakiadu
Forsaeria, 05 di janeru di 2011
59-
VOTU DI SIDADANIA
/
Ileison bate na porta
Prumesa kantadu
Beju na rostu
Mon na kosta
/
Ora de verdad txiga
CNE kunta sinbron
Abstenson ka kunta
Vintunhia txupa limon
/
Mudansa adiadu
Povu ka konpradu
Dimokrasia lebadu
Na “altar di nha petu”
/
Rejimi manti
Prezidenti surridenti
Parlamentu mitigatu
Governu aljemadu
Tribunal popadu
/
Forsaerea, 10 fevrer di 2011
http://www.asemana.publ.cv/spip.php?article61508&ak=1#ancre_comm
58-
TERRORISMU
/
Mi e terrurista
N ka ten rostu
Ma N ka rasista
/
N da volta ne gungon
N.York i Washington
Madrid i Londres nun ritu
/
Nha tour ka ten limit
Ken kruza nha kaminhu
Ta nkuntra un dilimit
/
Nha luta e musinhu
Nha alvu e osidenti
Nha selula ta prezenti
Na kada G-8
indiferenti
BV070705
57-
ALUPEKADOR III
/
PIGA KEDA N`AREIA
LABANTA PLATEIA
/
LIBA BELA NA DJARGA
PA BURRODJ DE MARGA
/
BIBE MEL DE KANA
PAPAIA KLAIANA
/
KALSA ALBERKA
PA GAIDA NA SERKA
/
UMENAJIA DJUKA
NA LUS DE KAFUKA
/
PANHA UN FUSKA
KU SERVEJA KUKA
/
BATIZA JEKU
NA AGU DI BEKU
/
TMA RABOK NA BAKA
PA SKAPA PIDE KU AKA
/
SALTA MUR(U)
MUNTOD NA BUR(U)
/
PRIGA NA VENTU
REZA DI BENTU
/
UDJA NA SONH(U)
KOZA RUNH(U)
/
ZGUDJA KRIOLU
TXEMOD DI TOLU
/
PROFANADU SANTU
KULPADU OLISANTU
/
DISPIDI DI ANU BEDJU
KU PUEMA DI DJIDJU
/
ANTRA NOBU ANU
KU BALA NA KANU
/
09/02/2010 (02/01/2009)
56-
NATAL IV
/
Flis o tristi
Natal ta izisti
/
Natal
Pas i amor
Família i flor
/
Natal
Arv i lus
prezepiu i krus
/
Natal
Festa bedju
Joze i Maria
/
Natal
Kristu i kultu
Votu i gloria
/
Natal
Seia i negosiu
sena i mitu
/
Natal
Vida iternu
25 di dizenbru
55-
MUINHE DE LOVE
//
Na nha partida
N laba nha alma
Na bo lagrima
Orten kirida
//
Na greja de Pax
N priga un kartax
Kun prekatoria d`amor
Pa bo nha dose flor
//
N ben pa Notre-Dame
N dixa-bu na Rotterdam
Ku kurason d`Antoniu
//
Deus ta do-m un andaime
Po-m prunda nha rozariu
Na muinhu de bera de riu
26, Rue Lamblardie
Paris 75012eme
24 d nuvenbr d 2009
54-
FLOR II
/
/
Sen spinhu
ku amor
sen brildju
ku dor
/
Ka e roza
nen baboza
e braviu
i masiu
/
Moradu na petu
amdjer ta adura
ti djondja privameras
/
Bo purfumi
ta bota omi
na lumi
/
/
OLIMAR
53-
PRAIA BRANKA I
/
Odje d`Aga txora
glorias de Merka
/
Olav(u) banka
Kaminh(u) p`Ulanda
/
Flors de ma(r)sela
brilha na Roma
/
Paulin(u) kanta
puetas de terra
/
Viulin(u) faiska
n`Areia de Bonba
/
Armand(u) fina
Barril de polvra
/
Sponba sola
alma de Bokarbera
/
Morgadinh(u) kola
Stret n` Olt Kantrera
/
Kavakinh(u) viola
sin(u) de greja na Fundura
/
Olisantu skribe puezia
na bintal de beba-maria
/
Viulaun mazurka
sanjon na Laja
/
Tuta resita divina
na Fund(u) Pamada
/
Pipitinha kata manga
na rua de amengua
/
Orland(u) marka d` or
na mei(u) d`enprendador
/
Aga de baka sepultura
de storia de surradera
/
Kin da Surna tela d`artista
d`inxada ferrujod de murabeza
/
Txanzinha gota-gota
na viraja d` azagua
/
Fund(u) de Kurral
na bik(u) de pardal
/
Lonb(u) Miment riola
Krus na Bardeja
/
Na “vida de katxor”
tukador na boia
/
Na kovada d`Aga djaz
na kontra dansa de kapataz
/
Na “vida de padre” rapaziada
kaza kana n`ora minguada
//
Olisantu Nateliza, 160710
52-
MAR II
//
Alma de kriatura
Kultxon d`amor
//
Mar
Xarita mamoa
Regata d`kanoa
Suspir d` kriola
//
Mar
Sustentu di vida
Inspirason di puetas
Sonhu di marinherus
Rikordason di aventuras
//
Mar
Aterru di promesas
Piroga di axamentu
Morada de piskadors
Skonderiju di furtunas
Abrigu d` ilhas solitariu
//
Mar
Mar azul de Xav
Mar negru de Fiura
Mar mansu de Maria
Mar brabu de Kabral
Mar Barril de Gamboa
Mar Lajinha de Gatas
Mar Praia de Diante de sonhu
//
Otel Novorizonte,11/07/2008(mm)
51-
TXEKA 20
//
Na bo surrizu di kriansa
sta beleza de bu primavera
//
Na reza de bo kantiga
sta ritimu di bu dansa
//
Na bo bunda de fera
sta lizura di bu briga
//
Na brilhu de bo odju
sta razon di bu orgudju
//
Na goma de bo vida
sta kola di bu amor
//
Na afrika de bo lida
sta briza di bu kalor
//
Na insensu de bo flor
sta puluison di bu udor
//
Na forsa de bo juventud
sta patrimoniu di bu Sidad
//
Na batuk de bo kurason
sta marxa di bu nason
//
Na bo loja de brinkedu
olisanto na ponta dedu
Belo, 26/06/2009
50-
KARNAVAL DE OLISANTO
/
Pa karnaval, n’ultma d`ora, N rezulbe b(i)sti di resikladu
Na kabesa, N kanba un txapeu di padja jiladu
Dsima de nha kablera, N po un pustis de karakeja
Na p(i)skos, N suta un kurdon de tanpa de garrafa de serveja
I N pasa na nhas uredja un brink d` anganha Strela
Na nhas mama de bola de meia bedje, N kubri-s ku sutian de favela
Na puls, N priga un maskot/pulsera de tanpa de manekon di Fogu
N kamufla nha korp k un Bluza de junsa i Saia de sok de sarapilhera isfiod
Pa proteje pe de kalsadona de Prigisa, N kalsa alberka ku sola de pneu uzod
Na ora de Saninklau, N prezinta na juri kalol pa ”negrifika” nha imaja di kurder
Ku bala na kone de boka bedju na kol pa dfeza de nha urgudje de kabrer
//
Pa bodje de maskrinha n’Arbera Doze, N perfuma di Bilanta
N kanba tres kalsinh de pontx de let de bonbardera na garganta
D(i)pos N anxagua boka ke xa de furturadja pa mata bof
Na nha jardin de kintal, N ranka un flor de baboza
Pa N oferta nha pikena/txutxa ku kadera sima rutunda d` ASA
“Lingua de Paxaun” i kanelinha de pau/post de lus de strada di jireson
I barriga loj sima “Pimenta(un)” pizod pa kaminhants de sol kanbod
Na lixera de Murrinh de Karbon, N garda nha 4x4 puluent di pof
N munta na nha kabol de vara de xuratera tudu ruskon sima gungon
N ba na 150Km/ora sima lobu ta fuji de Plisia d` Orden Puta
///
Na sala di badju ningen ka kunxe-m na nha disfors di konkfu
N sanba Sanba na Pe, Maravilha de Sul i Gavionx, nun ton
Kulod sima xuinga na sola de sapot de sapataria Jon Xinxon
Na sabura de musinhe Sonvisentin linbro-m nha amig(u)
Uldgar de Jul d`Zinha na mund de verdad kond el taba
Da Mari Juze de Flurens kel garrotx na rabikada de fin d`anu
Na kaza Xukala o traze de kaza Tiliza d(i)pos de kel tukatina ka ti Dãu
Antis manxe, N da milia pa kaza na Forsaerea ta rima
Sima Timaninhe Karol muntod na se kabalu rus marinhu
N tma un kold d` ove de galinha de terra pa kunpo kabesa
N firra na sonu ti otu dia ta sunha na NATELIZA ambrasadu
Na lingua maternu ta skribe diskulpa di nuvenbru pasadu
Na Lingua Maternu/Kabverdian, kada gota ta kunta!
Olisanto, 21 d fevrer d 2010
49-
KAMINHU
/
kaminhe d`skola
trabodje
kaza
/
Kaminhe d` amor
bia
paris
/
Kaminh d` vida
pedra alta
pedra d` lume
/
Kaminhe d` pas
gerra
/
Kaminh d` golfu
onu
/
Kaminh d` europa
portugal
frança
itália
russia
/
Kaminh d` merka
kuba
/
Kaminh d` bubista
sonsente
saniklau
djadsal
/
Kaminh d` verdad
mentira , vaidad
/
kaminhe d` sodad
Sal,090892aso
48-
FLOR III
/
Sen spinhu
ku amor
sen brildju
ku dor
/
Ka e roza
nen baboza
e braviu
i masiu
/
Moradu na petu
amdjer ta adura
bo purfumi
/
Na primavera
na lumi
omi, bu ta bota
211108(2009)
47
-UNIKRASIA
//
Na ditadura mokrata
no ba na buleia
d` es grand magnata
de governu a meia
demoveigata
//
Spiransa na dezenbru
pa tud kab-verd dentru
i fora madrasta
//
Vintuinha na sukata atadu
ar fresku na terra libertadu
de maioria unikrata
08dez95
46-
AURORA III
/
Ben seduzi agora
bo amor d otrora
na ilha d pastora
/
Na ora d regresu
nostaljia d jesu
Pinturjia susesu
na murada d tangu
/
Na briga d frangu
na not d agost
Lima buta un tragu
pa-l kanta salmu na rost
d Ramus ta maska fjer
/
Olisantu Kabrer
falta kunsert d Vera
na urela d Bera
pa ka toma parser
100309
45-
FUZILER
//
Min e un fuziler
de puemas de kazerna
ke ta irrita superior
na lus de lanterna
//
Kota d' interior
sabidu di dodu
faze Mika de skudu
de strelas de biku gudu
//
Na kurrida de bastidors
el asalta napalm d' aviadors
na kruzada liriku d' inpustors
//
Guvern ka da konta
soldadu pasa infronta
kes sonetu de kuartiler
Belo, 25/06/2009
44-
DR. AZAGUA
//
Mundu e grandi
el ta kibe na pupila
di Odj d` Agua
//
Mar e grandi
el ta kibe na lua
nobu di amor di tila
//
Amor e grandi
sima Santa Monika
na namoru ku Trindadi
//
Trindadi e grandi
el ta bibe na liberdadi
di Liberal onlinevesika
//
Liberal e grandi
el ta kibe na kurason
di Zinzim Figueira
//
Liberdad e grandi
sima puezia di Inêsilveira
ta marsianiza kultura di Nason
//
Kultura e grandi
el e alma di Sidadi
bersu di kriolidadi
//
15/04/2009
43-
13 DI JANERU
//
Ta nada na liberdadi
Ba na dimokresia ta sita
mudansa di mentalidadi
//
Tanbarina dita
Ventuinha sapatia
Povu aguarda
//
Prumesas di tibia
Na puntaun di sarda
Ku barriga zeru
42-
AURORA II
//
Ben seduzi agora
bu amor d' otrora
na ilha de pastora
//
Na ora de regresu
nostaljia di jesu
pinturjia susesu
na murada di tangu
//
Ta mata pa frangu
na noti di agostu
lima bota un tragu
//
Pa-l dispara salmus
na rostu di ramus
pa firi olisantu
na se nomi santu
2009olisanto
41
-AURORA I
/
Ben seduzi agora
bo amor d' ote ora
na ilha de pastora
/
Na ora di regresu
nostaljia di jesu
pinturjia susesu
na murada di tangu
/
Na dansa di frangu
na note d' agost
Lima buta un tragu
pa-l kanta salmu na rost
di Ramus ta maska fejer
/
Olisantu Kabrer
falta kunsert de Vera
na urela de Bera
pa ka tma parser
40-
OTE DIA
/
Manhan ot dia
Dia di vitoria
Vitoria di PAI
Pai d Independensia
Independensia di Kabuverdi
Kab Verd d spiransa
Spiransa di vive
Vive un otu dia
/
Manhan e ot dia
Dia di nasimentu
Nasiment di jirason
Jerasaun de puder
Puder di produson
Produsaun di valoris
Valors d' universalidadi
/
fraternidad i amor
solidariedad i pas
liberdad i justisa
trabadju i paun
/
Manhã e ot dia
sal,17Jul08
39-
FLOR DI ROZA
/
Oh flor di roza
Ka bo dxa bo beleza
Faze-b perde morabeza
Udja pa mo mund ka baboza
Mund ten volta txeu
S' oje bo ten bo r
apoza
Ka bo skese de bo kretxeu
K' ont rigo-b Masela ptitoza
Sal,23dez82-aso0
38-
AMDJER
Amdjer ka ta nase, el ta stria!
Stria na vida, na trabodj
Stria na skola, nen si kel d' vida
Ma el ta stria
Stria na fakuldad, na tiotre
Nen si de vida, ma el ta stria
I de streia na streia, pok a pok, el ta ba ta fka
Amdjer d' akontesiments, de dia-a-dia
El ta stria na amor, na imusons i na sintiments
Stria tanbe na desepsons de relasionaments
Rial o virtual, k'anpurta
Amoroz o naun, ma el ta stria
Stria na skudje parsers ke
Alguns bes pude disepsiona-l, ma el ta stria
Stria na maternidad, ond sertament
Ta da mas bnit fnomene de vida:
Nasiment
Markod pa txor, primer de muts
Ke sertament ta ben
Amdjer e kunplet na sintiments
Na jests, na imusons
I na txeu de ses atituds
Pesoal o prufisional
El kunkista direit de luta sen par
I atraves de gonhs na se vivensia
El ta stria na maior de ses spiriensias
Direit de ser udjod i de sinti amdjer
Amdjer si ka nase, tanbe ka ta murre
El ta muda de tamanh, dxa karinh, sudad
Linbransa, enfin
Un prova viv de se stria
Tradusaun de Puema de autor deskunxid
37-
ALUPEKADOR I
//
PISKA NA RINKON
PA GANHA UN TISTON
//
DISTANPA KALDIRON
SEN UN ROB D BIDION
//
DISKUBRI LADRON
PA ROST NA ALKATRON
//
VIAJA NA AVION
KU BANDERA DI NASON
//
SPADJA RAZON
PA KALA BOKON
//
SPIRA SOLUSON
D RIVISON D KONTITUISON
//
TOMA FAMA D KANPION
NA KONSPIRASON D REJION
///
UMANIJIA XEFON
NA PARTIDA DI KAXON
36-
ALUPEKADOR II
/
KI TRABADJA NA AGROPEC
PA SPADJA ALUPEC
/
SKRIBE NA KRIOLU
TXUMADU KOLOLU
/
FINJI OKUPADU
FLADU DIPUTADU
/
KI FIKA GAGU
K UN GOTA D AGU
/
TROD D SKOLA
PA DJUGA BOLA
/
SALTA NA AREIA
PA TRAZE MOREIA
/
BENDE KABRA
PA IZAKUTA OBRA
/
MAMA NA BESTA
PA POPA PA FESTA
/
KONVIDOD PA NANDU
PA BADJA LANDU
/
DA BURRODJ
NA FESTA D GODJ
/
PURBA BURGODJ
PA LABANTA KARODJ
/
DA KU SAPATU
PA LIBRA DI LATU
/
ODJA NA FUGA
SALVASON DI TUGA
/
MUNTA BURU
PA RAMEDI SUKURU
/
PAPIA PADJA
PA LIBRA MORTADJA
/
TEN RAIS FUNDU
NA MURABEZA MUNDU
/
DEXA ANU BEDJU
KU PUEMA-L FIDJU
/
ENTRA ANU NOVU
KU VOTU-L POVU
/
MASKARA DI OLISANTU
PA NGANA SANTU
/
02/01/2009
35-
karta mortu II
//
Karta magnu
labadu na inu
sekadu ku bibidera
mastigadu na bandera
/
Lei kanpion
uniku na rejion
prenha di konfuzon
sa ta spera pa revison
/
Karta mortu
ka bazi di union
nen altar di moral
/
Pa dispulariza soluson
prinsipal karta di nason
ba pa parlamentu di zason
34-
TXUBA D SETENBRE
//
Txuba firrod
Terra Boa inundod
Arbera laga Rigona
Inxada frujod na txon
Sment spadjod na Baxon
Planta pta firron
Baka munda sapatinha
Kabra ankunha fijon
Santxu da ku unha
Boka-bedju na sinturon
Kriston banka munha
TERRA BOA , 23 D STENBRE D 2008
33-
ARROGANSIA DIMOKRATIKU
//
Irois di tera ka prista
no buska erois di gentis
pa labanta
dimokrasia
rezultadu udjadu na lista
//
Agu kurre pa rubera
pobris murre di kolera
bronka na konstituison
//
Ai ai di nos nason
se ka fazedu nada
pa kaba kes kafonada
di ganansia di tubaron
//
Nes safadeza de Jerason
veigarita i rabentolista
arruganansia dimokrata
ta liba-nu pa
kaxon
32-
VINGANSA DI SIDADANIA
//
Ileison tras d porta
Politikus biju na boka
Mon na kosta
Ileitors soku na rostu
//
CNE kunta sinbron
Vensidor abstenson
Partidus txupa limon
Vingansa di sidadania
//
Rejimi na txon
Prezidenti di kueka
Parlamentu di bikini
Governu di tanga
Tribunal di “ lingerie”
//
Pais “altar di nha petu”
Mudansa adiadu
Povu burladu
Dimokrasia sfakiadu
Forsaeria, 05 di janeru di 2011
31-
KONJUNTIVITI
//
UN KURRERIA P` USPITAL
DI GENTIS D OKULUS SOKURU
PA TOMA UN PAPILINHU
DI TRES DIA DI KASA
//
CLOROCIL (GOTA I PUMADA)
SORU FIZIOLOJIKU
KABA NA FARMASA
//
REMEDE DI TERA
ANTRA NA GERRA
AGU DI MAR
AGA KU VINAGRI
XA DI KAMOMILA
XIXI DI PRUMANHAN
PA LABA ODJU
JELU PA LIVIA DOR
//
ES E KOJUNTIVITI
DIRRAPENTI
LANBADA
FACE BOOK
FAXI FAXI
MIKAZA PARA TODUS
BANHA POPULASON
Set/out 2011
//
30
-1888 SERTEZA
//
Pa ken ke N miste sta
Nes sosiedad d'Abade
Liberdad N ka t'udja-l
Igualdad N sabe konde
//
Ka ten grand nen piknin
Ka ten rik nen pubrin
Ka ten bronk nen pritin
//
Tud ke parse el ta tma-l
ku brasu abertu
//
Oh mort bo e serteza fertil
Ka bo nigo-m na ora sertu
Sal, nov82-aso (29062009)
29-
KARTA MORTU I
/
/
Mãi magnu
labadu na inu
sekadu ku bibidera
matigadu na bandera
/
Lei kanpion
uniku na rejion
prenha di konfuzon
sa ta spera pa revizon
na parlamentu di nason
pa dispulariza soluson
/
Mãi magnu
lei kanpion
karta mortu
/
31/10/2008
28-LIBERDADI II
/
No luta pa liberdad
no tma puder
no skuse
nos kunpanher
/
Na vent d'janer
dimokratas parse
k`bandera d' modernidad
/
Spiransa de nob Kab Verd
bruta na musidad
/
Ventuinha un realidad
tanbarina nos identidad
/
sal,200892olisan
27-
SERRASÃU
/
26-
KONFISAUN
/
Nha kansãu
e pa bo kurasãu
/
Nha puezia
e pa bo bia
/
Nh`amor
e bo dor
/
Nha tristeza
e bo pubreza
/
Nha ligria
e bo eukaristia
/
Ôh benizia
bo larga Djadsal
bo ba Purtugal
prokura vida
/
Fransa
e bo siguransa
kerida
/
Purtugal
e nha rival
/
Fransa
e nha pnitensa
/
Kab-Verd
e nos futur verd
/
Sal,100292
25-
SOLIDAUN I
//
Na nha sulidaun
Mi ma nha violaun
Sulitra es kansaun
/
Meludia virtual
Letra urijinal
Kunkista kapital
/
Net glubaliza-l
Fans umenajia-l
Na praia de kabral
//
Pov junta na prasa
Televizaun parsê
Jornal skribê
Radie nutísia
/
N ganha fama di kantor
N rejistra nha nomi di otor
Na asosiason di kunpuzitor
/
/
BV(300505)
24-
SOLIDAUN II
/
Na nha solidaun
Mi ma nha violaun
Sulitra nha kansaun
/
Melodia virtual
Letra urijinal
Kunkista kapital
Fans umenajia-l
//
Povu junta na prasa
Jurnal kunta grasa
Radie nutisia
Net glubaliza-l
Televizaun spadja-l
/
N ganha fama di kantor
N rejistra nha nomi di otor
Na asosiason di kunpuzitor
Di sidadi kultural di luzofunia
//
BV(300505)
23-
DISTINU DI TRABADJADOR
//
//
Salariu di fomi
Orariu di lumi
Orizonti di omi
//
Orariu di fogu
Orizonti di kuku
Salariu di sufoku
//
Orizonti di karbon
Salariu di kontestason
Orariu di rezignason
//
Salariu di kunha
Orariu di unha
Orizonti di munha
//
Orariu di barau
Orizonti di kau
Salariu di travau
//
Orizonti endividadu
Salariu injustisadu
Orariu dislokadu
//
Salariu minimu
Orariu maximu
Orizonti prosimu
//
Orariu di padrinhu
Orizonti rizonhu
Salariu di sonhu
//
//
Olisanto 07072008
22-ANDORINHA MANSA
/
Trazidu na korrenti di amor
Dotu ladu di mar-speransa
Fazi skala na korason-mor
Pa po lenha na fogera
Antis di voa pa Riu di Janeru
/
Na altar di rubera di agu
E reza 3 Ave Maria
Pa konsolu di koruja Tiagu
/
Ku aga na odje bate palmu
Ku ses aza di pardal di viana
Pa sukondi inpotensia
/
04/11/2013
21-MITASULA
/
Sima tud amedjer d' Altu di Saku
N sola pa po panela derriba di lumi
Pa libra kandidatu turista di konsumi
/
N baté na tud kont e porta
Ta pidi S.O.S kriansa
Ma ningen k` udja pa mi
Pa stendé-m un monzinha
/
Ja-m perdé kontrol di sal
N ka sabé kze ke N ta fazé
Pa ilumina-l kaminhu
/
Deus ki ta konpanha-l
Pa defende-l de tudu kuantu e mal
Nes maratona di dzenraska nasional
FA, 26jun2012
65-
LINBRANSA I
//
Mi sintod na Praia de Kabral
Ta prasia mar karisia areal
Linbro-m na bo kretxeu
Sudad pirto-m txeu
//
N vra kara pa seu
Pa pdi deus pa bo
Sol kimo-m rostu
//
N liba mon pa odju
Balaun sika na kopu
Mar andiko-m kaminhu
//
Oh mar ka bo txo-n murre de sed
Oh mar po-n bo oga na red
Pa no ka murre sima kabra
Na one de 60 na Pa Bedje
Ta kme pedra burmedje
BV/Sal,30abr83-aso
19-KRETXEU I
//
Na praia de Cabral
Ta brinka n`areial
Sodad di kretxeu
Foga-m portal
//
N vra kara pa séu
Pa pidi un sinal
Sol kimo-m véu
//
N faze mon di pala
Pa anpara lagrima
Di nhas odju di bala
//
Mar abri-m kaminhu
Pa diva di nha alma
Morna altar di nha ninhu
//
Sal, 17 d dezenbr d 2011
18-KRETXEU II
//
Na praia di Cabral
Ta brinka n`areial
Sodad di kretxeu
Foga-m portal
//
N vra kara pa séu
Pa pidi un sinal
Sol kima-m veu
//
N faze mon di pala
Pa anpara lagrima
Di nhas odje de bala
//
Mar abri kaminhu
Cize morna ninhu
Di diva de nha alma
//
//
Sal, 17 d dezenbr d 201
16-NATAL TEZU
Sen taraf nen prezepiu
Sen minimu nen tirseru
Sen manjedora nen kordeiru
Natal e un dia sen piu
Jema sen metrika na poezia
krusifika seia pa janeru kadela
konsertason sosial bate pala
Reformadu reza 100 maria
Na krus de pau na kanela
Politikus i diputadus stende
Stera di masonaria verd
Kalu Viega de tersu na petu
vua pa belen de zonamania
pa faze fufoka na pai noel
de brinkedu na balai d arbaton
FA, 15 d nuvenbr d 2012
15-TXEKA - 20
//
Na bo surrizu d kriansa
sta beleza d bu primavera
//
Na reza d bo kantiga
sta ritimu d bu dansa
//
Na bo bunda d fera
sta lizura d bu briga
//
Na brilhu d bo odju
sta razon d bu orgudju
//
Na goma d bo vida
sta kola d bu amor
//
Na afrika d bo lida
sta briza d bu kalor
//
Na insensu d bo flor
sta puluison d bu udor
//
Na forsa d bo juventud
sta patrimoniu d bu Sidad
//
Na batuk d bo kurason
sta marxa d bu nason
//
Na bo loja d brinkedu
olisantu na ponta dedu
//
14- XINEZINHA I
//
Nha Xinezinha na petu
N korre Kabu Verdi
Ku kanson di amor
//
Nha puezia
Di kabuverdianidadi
Txura melodia
Di fraternidadi
//
Na festival di sidadania
N dixa nha marka
Di solideriedadi
30OUT2011
13-XINEZINHA II
//
Ke nha xinezinha na petu
N korre Kauberdi interu
Ku nha kanson di amor
//
Sonsent, Saniklau
Bubista, Djadsal i Sintanton
Ku morna i kuladera
//
Santiagu, Fogu
Brava e Maiu
Ku funana i batuku
//
300ut2011
12-LINGA DI BERSU
Kriolu
//
Linga di bersu
Papiadu pa povu
//
Na skola ka nxinadu
Sta-nu na miolu
//
Skrebedu pa Olisantu
Lebadu pa mundu
Na aza di gansu
//
15 d junhu d 2012
11-KANKARAN
//
N ten sonu
N ka ten kama
Pa da un karada
//
N stende na kankaran
N pasa noti kran
N manxe
kebradu
//
N falta trabadju
Kapataz da-m badju
N da un pitada di kankan
Nh` amdjer fka txan
//
N ganha kuraja
N faze bagaja
N parti pa laja
Pa djube pon pa fidju
//
FA, 06jan2012
10-MAINHE PATRIA
/
/
Kond N dzinbarka na
Portu
19 d` agostu d 1953
Tres palabra belu
Liberdadi
Justisa
Paz nateliza
Grandi
/
Di ronpanti a vela
Indjustisa
Gerra
Prizon salazariza
Mindelu
/
Kalbar
Kastru
Gevara ilumina-m kaminhu
//
N parti pa luta pa liberta
Nha terra de kolonialismu
Sal, 15/12/2008
9-PRAIA BRANKA
/
Odje d`Aga txora
Glorias d Merka
/
Olav(u) banka
Kamin(hu) p`Ulanda
/
Paulin(u) kanta
Puetas d terra
/
Flors d Ma(r)sela
Brilha na Roma
/
Viulin(u) rima
Areia d Bonba
/
Armand(u) prima
Barril d polvra
/
Lansponba riola
Alma d Bokarbera
/
Morgadin(hu) kola
Stret n`Oltkantrera
/
Kavakin(hu) viola
Korason d djaz na kruz
/
Olisantu skribe puezia
Na bintal d Mari Beba
/
Viulaun mazurka
Sanjon na Laja
/
Tuta resita Minguada
Na Fund(u) Pamada
/
Pipitinha kata manga
Na rua d Amengua
//
04/06/2009
8-AMOR DI MUSINHU
//
Ortensa bu ten razon
N ta rek pa bo kurason
//
Bu dze-m pa txo-b raspira
Nha pulmaun e un pumar
//
Skudji un pe d`oliveira
Bu spirra fund pa ar
//
Ku bu
ruzariu na mon
N zuidja na pe di vulkon
//
N da un grand
pinada
Na bo xavarnada
//
Nha ratu e testimunhu
D`es nha amor di musinhu
//
Alfragide, 14 d dzenbr d 2009
Olisanto
7-NATELIZA III
//
Es e tres mnininha
Ki kaso-m azinha
Na balkon di lujinha
//
N ta pdi deuz na seu
Pa ka tmo-m mut sedu
Sen N stinde-s un dedu
Ke N ka tev na Montevideu
//
Oh deus ka libo-m na red
Sen N kunpri nha kred
Pa-m ka ba remorsod
sal,20Set82-aso150809
6-
NATELIZA IV
//
Es e tres mnininha
Ki kaso-m azinha
Na balkon de lujinha
//
N ta pdi deuz na seu
Pa ka tmo-m mut sedu
Sen N stinde-s un dedu
//
Oh deus ka libo-m na redu
Sen N kunpri nha kredu
Na bera di manteu
sal,20Set82
5-NATELIZA V
//
Es e tres mnininha
Ke ten nha vida
N ta pdi deuz na seu
//
Pa ka libo-m ton sedu
Ki pa-m da-s un dedu
Ke N ka tib na vida
//
Oh deus si bo tmo-m
Sen N faze nha dizeju
N ta ba rimorsodu
//
sal,20Set82-aso
4-NATELIZA VI
//
Es e tres mnininha
Ke ten nha vida
N ta pdi deus na seu
//
Pa ka libo-m ton sedu
Ki pa-m da-s un dedu
Ki N ka tib na vida
//
Oh deus se bu tmo-m
Sen N faze nha dizeju
N ta ba rimursod di bez
Sal, 20Set82-aso
3-Obama mata
Osama na kama
Kun bala mulata
Na ladu di si dama
Na mar di
tormenta
Pa libra di drama
E buta se alma
Pa ganha fama
FA, 071211
2-PRUFSOR II
//
//
Mon cher professeur,
anbrudjod na orgudju
di bu metedu titaniku
bo anbrasa Nikol
ku p
romesa na djarga
//
Sans commentaire
de M. Directeur
//
Nha mestri, kuidod!
buleia pa Fransa
na nha kapital, nãu
mudansa, sin
ma ku siguransa
//
Na kaminhu di Pretoria
livri sima puezia
na “Ondas na noti”
Kulin sa ta spera-bu
ku pontaria afinadu
//
E bo, Snhor!
prumisor prufsor
joven i entuziasta
entri bo i ami
so ta izisti
palavra prufsor
1-FLOR
/
Sen spinhu
ku amor
sen brildju
ku dor
/
Ka e roza
nen baboza
e braviu
i masiu
/
Moradu na petu
amdjer t'adura
bo purfumi
/
Na primavera
na lumi
omi, bu ta bota
211108(2009)
MINDELSIDAD STAD D’UTOPIA
//
Sen igual nes monarkia
Dia i not mesme poezía
Nada d’violensa y txeu vida
//
Mindelu sidadi mudelu
Sen igual na simpatia
Dia y noti mesmu duelu
Pas de violence i txeu vida
//
Mindel sidad d’festival
Sen igual na morabeza
Dia e noite a mesma proza
Nada de violência i txeu vida
//
Mindeli sidadi kultural
Sen kalsinha na karnaval
Ta trusa d’ inperiu kulunial
Dia y not mesme novela
Nada d viulensa i txeu vida
//
ML, 16/04/2015/15/08/2015
