SIDADI RAINHA 75

20-SIDADI RAINHA

//

Mizeria de kontentor

Ta spedja dor

D'un pove trabadjador

Na luta p'un dia amdjor

//

Mudjeris de baloi

Grogers sen traboi

Mon stendid na prasinha

Sen spiransa nen konfiansa

Na sidad rainha ta reza
P'un SONBRINHA

//

Governu sen soluson

Na madrugada d'invernu

Anunsia privatizason

De tud mina de sinbron

ASA

TACV

MOAVE

ENAPOR

ELECTRA

CABONAVE

EMPROFAC

INFORPRESS

Pa trok dun gota d'JAIDA 

//

Patronatu baté pala

Kriston d'Ala fala

Amé nh'armon

//

Txifon txifon txifon (3)

13/12/2016

(LUVA/BANDEJA)







/

NATOMA (67)

NATOMA

//

No maskara na lama

Pa kamufla nos drama

De konsume de farinha

//

No finji ke tud ta na linha

No dá un pedrada na Lajinha

Pa no sinti feeling d'notinha

//

Sima nos ka ten

No gasta tud vinten

Nun parodinha

No fka na toma

//

4/12/2016

CAMPEÃO DA DISSOLUCÃO (71)

CAMPEÃO DA DISSOLUÇÃO
//

Não há nenhuma razão

Pra continuar nessa solução

Do campeão de subtração

Das promessas de eleição 

//

Vou pegar outra embarcação

Para seguir a minha missão

De NATELIZAR a Nação

Do emprendedor de tempestade
D'areias no deserto de Felicidade

 //

12/11/2016  

 

BA RASKA!!!!

Natelizar/resgatar/libertar

NATELIZA -DST

NATELIZA-DST
//

NATELIZA razon
De nha vida de kriston
Nes mundu de SIFRON
//
Ja-m pedi deus na seu
Pa retarda nha viaja
Pa N dexa un laja
//
Se deus libo-m na redu
Sen kunpri nha kredu
N ta txa nha txapeu
Pa DST+ ankarna vogais

15/11/2016

/

FLOR

FLOR

/
Sen spinhu
ku amor
I vinhu
Sen brildju
ku dor
I orgudju
/
Ka e roza
nen baboza
e braviu
i masiu
/
Moradu na petu
amdjer t'adura
bo purfumi
/
Na primavera
na lumi omi
bu ta bota

211108(2009)

Florista de

Loja de 

Orquidea

Rosa ( 180124 )

PRUFSOR II (22)

PRUFSOR II

 //

//

Mon cher professeur,
sans commentaire
de M. Directeur
vou falar a verdade

//

Anbrudjod na orgudju

di bu metedu titaniku

bo ankurrala Nikol

sê anu di kaskol

//

Nha mestri, kuidod!

buleia pa Fransa

nãu na nha kapital

mudansa ku siguransa

//

Na kaminhu di Pretoria

livri sima poezia

na “Ondas na noti”

Kulin sa ta spera-bu

ku pontaria afinadu

//

E bo, Snhor!

prumisor prufsor

joven y entuziasta

entri bo i mi

so ta izisti

palavra prufsor

(V220418)

\

OBAMATA

OBAMATA
Osama na kama

Kun bala mulata

Na ladu di se dama

Na mar di tormenta

Pa libra di drama

E bota se alma

E ganha fama
Di PRETU distintu
Di mundu sinzentu

FA, 071211

NATELIZA LUJINHA

NATELIZA (lojinha
//

Es e tres menininha

Ki prendé-m azinha

Na balkon de Lojinha

//

N pedi deuz na seu

Pa ka toma-m sedu

Pa N stika-s un dedu

//

Oh deuz ka libo-m na redu
Pa Bera de Manteu

Sen N kunpri nha kredu

//

NATELIZA LINHA

Es e tres menininha

Ke mité-m na linha

N ta pdi deus na seu
Pa ka libo-m sedu

Ki pa N da-s un dedu

Ke N ka tibe na vida

//

Oh deus ka bu tmo-m

Sen N kunpri nha dizeju

Pa N ka ba ramursod d´bez
Pa bera de Manteu

Sal, 20Set82-aso

NATELIZA TININHA

//

Es e tres menininha

Ki kaso-m azinha

Na janela di Tininha

//

N ta pdi deuz na seu

Pa ka tmo-m mut sedu

Pa N stinde-s un dedu

Na porton de nos ilha

//

Oh deus ka libo-m na red

Sen N kunpri nha kred

Pa-m ka ba remorsod
Pa bera de manteu

sal,20Set82-aso150809

//

AMOR DI MUSINHU

AMOR DI MOSINHU (11)

/

Ortensa bu ten razon

N ta rek na bo kurason

//

Bo dze-m pa txo-b raspira

Nha pulmãu e un pumar

//

Juedja d'boxe d'es pe d`oliveira

Spirra fundu ar de rozeira
//

Ku bu rozariu na mon

N reza na pe di bu vulkon

//

N da un grand pinada

Na bo savarnada

//

Nha ratu e testimunhu

D`es nh´amor di musinhu

//

Alfragide, 14 d dzenbr d 2009

Olisanto

PRAIA BRANKA

PRAIABRANKA (5)

/

Odje d`Aga txora

Glorias d' Merka

/

Olav(u) banka

Kamin(hu) p`Ulanda

/

Paulin(u) kanta

Puetas d'terra

/

Flors d'Ma(r)sela

Brilha na Roma

/

Viulin(u) rima

Areia d'Bonba

/

Armand(u) prima

Barril d'polvra

/

Lansponba riola

Alma d'Bokarbera

/

Morgadin(hu) kola

Stret n'Oltekantrera

/

Kavakin(hu) viola

Korason d'djaz na Kruz

/

Olisantu skribe puezia

Na bintal d'Mari Beba

/

Viulãu mazurka

Sanjon na Laja

/

Tuta resita Minguada

Na Fund(u) Pamada

/

Pipitinha kata manga

Na rua d'Amengua

//

04/06/2009

KANKARAN (24)

KANKARAN (24)

//

N ten sonu

N ka ten kama

Pa da un karada
//

Madrugada 
N dá un pedrada

N deta na kalsada
Pedrinha de morada

//

Anbrasod jiada
Ta sonha na labada
De Mary furada
//
N manxé frode roda  
Nha Konpanher de jornada
Beja-m kara ke vaskona
//

N panha un karona 

N ba pa traboi
Kara de bandoi

Kapataz da-m bói

//
Nh'amedjer reza
Sentod na kankaran
N da un pitada di kankan
//

N ganha kuraja

N faze bagaja

N parti pa laja

Pa panha baja
Pa po meza

//

FA, 06jan2012

MAINHE PATRIA

/

/

Kond N dzinbarka na Portu

19 d` agostu d'1953

Tres palabra belu

Liberdadi

Justisa

Paz 

Nateliza Grandi

/

Di ronpanti a vela

Injustisa

Gerra

Prizon 

Salazariza Mindelu

/

Kabral

Kastru

Gevara

Ilumina-m kaminhu
De luta pa indenpensia

Sal, 15/12/2008

LINGA DI BERSU 26

Kriolu

//
Linga di bersu
Papiadu pa povu

//
Na skola ka nxinadu
Na miolu konjeladu
//

Skrebedu pa Olisantu

Lebadu pa mundu
N´aza di gansu

//

 15 d' junhu d 2012 ( 21Fev. DILM )

XINIZINHA II

XINIZINHA II 
//

Ke nha xinezinha na petu

N korre Kauberdi interu

Ku nha kanson di amor

//

Sonsent, Saniklau, Bubista,
Djadsal,Sintanton y Santaluzia

Ku morna i kuladera

//

Santiagu, Fogu

Brava e Maiu

Ku funana i batuku

//

300ut2011

XINEZINHA I

XINEZINHA I
//

Nha Xinezinha na petu

N korre Kabu Verdi

Ku kanson d`amor

//

Nha puezia

Di kabuverdianidadi

Txura melodia

Di fraternidadi

//

Na festival di sidadania

N dixa nha marka

Di solideriedadi
Nha nomi fika rejistradu
Na galeria di luzofonia

30OUT2011

NATAL TEZU V (20)

NATAL TEZU (20)

Sen taraf nen prezepiu
Sen minimu nen tirseru
Sen manjedora nen kordeiru
Natal e un dia sen piu

Jema sen metrika na poezia
krusifika seia na janeru kadela
konsertason sosial bate pala

Reformadus reza 100 maria
Na krus de pau na kanela
Guvernantes y diputadus stende
Stera di masonaria verde 

Kalu Viega ku tersu na petu
Voa pa belen de zonamania
Pa faze fufoka na noel de brinkedu

FA, 15 d nuvenbr d 2012

DIVA I

DIVA I

DIVA DI PE SKALSU

Santa ki ben di seu
Liba morna y koladera
Pa mundu na voz kabrera
Doa se alma di muza de Sidade
Pa Mindelu faze patrimoniu planetariu

Kabu Verdi ta venerabu ku sodadi

FA, 2012 ( felecido em 17/12/2011 )

KRETXEU II

KRETXEU II ( 4 )
//

Na praia de Cabral

Ta brinka n`areial

Sodad di kretxeu

Foga-m portal

//

N vra kara pa séu

Pa pidi un sinal

Sol kimo-m véu

//

N faze mon di pala

P'anpara lagrima

Na nhas odju di bala

//

Mar bri kaminhu

Diva de nha alma 

Morna nha ninhu

//

Sal, 17 d dezenbre d 2011



Dixa-m na lama/fama

SULAMITA

SULAMITA (14)

/

Sima tud amedjer d'Altu di Saku
É sola pa po panela derriba di lumi
Pa libra kandidatu turista di konsumi

/

E baté na tud kont é porta
Ta pidi S.O.S kriansa un luz
Ningen stendé-l un monzinha

/

É perdé kontrol di sal
Sen sabé kuze ke ta fazé
Pa ilumina-l kaminhu
/
Deus ki ta konpanha-l
Pa defende-l de tudu mal
Nes maratona di dzenraska nasional
Sen sinbron na panela de metal
FA, 26jun2012

ANDORINHA MANSA

ANDORINHA MANSA (12)

/

Trazidu na korrenti d´amor

D'otu ladu di mar-bonansa

Faze skala na korason-mor

Pa po lenha na fornu de prasa

//

Antis di voa pa Riu di Janeru

N’ altar di rubera d´agu

E reza 3 Ave Maria asperu

Pa konsola koruja Tiagu

///

K´aga n'odje bate palmu

Ku aza di pardal di Viana

Pa sukondi potensia di kana

04/11/2013

DISTINU DI TRABADJADOR

DISTINU DI TRABADJADOR (22)

//

//

Salariu di fomi

Orariu di lumi

Orizonti di kumi

//

Orariu di fogu

Orizonti di kuku

Salariu di sufoku

//

Orizonti di karbon

Salariu di kontestason

Orariu di rezignason

//

Salariu di munha

Orariu di kunha

Orizonti di bruma

//

Orariu di pau

Orizonti di kakau

Salariu di babau

//

Orizonti endividadu

Salariu injustisadu

Orariu dislokadu

//

Salariu minimu

Orariu maximu

Orizonti di fumu

//

Orariu di padrinhu

Orizonti di mosinhu

Salariu di sonhu

//

Saláriu dignu

Orizonti rizonhu
Orariu umanizadu

/

Olisanto 07072008