JUVENTUDE (24)

//

JUVENTUDE (24)

Kabu Verdi un kanpu fertil
Se regadu ta kodjedu sinbron
Na baloi d´arbaton nh'armon
Ta karregadu na siron d´abril
Pa distribui pa tudu kriston
//
Na konboiu Vitória di nason
Juventud na garrafon
Sen poezia na fuzil
Pa revendika Labor
Stendé stera na txon
///
Alma de nasãu
Repika tanbor
Asumi misãu
De resgatá jerason
Di dezenraska nasional

12/05/2018 ( 12dez DIJ )

ALÁ (13)

ALÁ Ah bo tema-l ben fet

Bo beská b´utxá
Uke bo tá meresé
Bo é trivid benfet
Bo ká ná tá mité
Na vida d´jent
Ba dvagar dvagar
Pá bo ka kebra kabesa
N´onda de mar na Lajinha.

26/04/2018

LARA

LARA (14)

Lara levantá kara

Ptá pé na txon k´firmeza

Mostrá ke bo é poderoza

Nada d´emitá Lianeza
Txa bo beleza natural

Brotá poezia na natureza

Bo é un roza sen spin
Bo purfume d´jasmin
Ta ipnotiza Maderalzin

Ben ma mi pa Fortaleza
Ben dá un kafé na Royal
Sen pensá na ritual de total

30/04/2018

L