TIDJONGA

//

TIDJONGA ( 18 )
Rei 100tenáriu
Na bu itinerariu
Sen regresu
Bu dexa susesu
//
Bubista anter libo-b
Pa bu murada SERTU
Bony kanta Santa Barba
Mutxatxas virja Verba 
//
Bu sabeduria de jent d’otrora
Furjode n’ Oga Dose de furtuna
Na mon d’arders agora
//
Na Baxon de Nusenhor
Bu é un furrin de luz
Ta lumia kimada de forre
Na Lorg de Santa Izabel

16/01/2020 (fel.16/01/20 )

ZABELINHA I

ZABELINHA I
/
/
Pasarinha de bike dubrod
Testemunha de nh’amor
Na terrase de namorod
/
Anpristo-m bu pena
Ma bu tinter prateod
Pa N skribé nha morena
Un memorandu antxod
Ta kunfisa-l es fragansia
Na meza de kafetaria
/
Ke boka na butija
Bu dexa-m sen bija
Bia tasa de pudor
//

Pur favor ka partilha 
Es klik d’amor a pilha
Ma ningen na vapor
//

 02/01/2020

PASARINHA V

Pasarinha d’argola na bike
Bo pego-m ke boka na pike
Bo kantá parabens Santi
Pur favor ka partilha 
Es fragor de amor
Ma familia kondor
Txa-m vivé nha virtual
Ma ken ke N kré Luti
N ta proteje bu kartilha
De predador universal

07/02/2020

PASARINHA II

PASARINHA DE BIKE ALEANSA
TESTAMUNHU DES FRAGANSA
NA TERRASE DE KAFETARIA
KE  BOKA NA BUTIJA
BO DEXA-M SEM MIJA
NINJA TASA DE PUDOR
N TA PIDI-B PUR FAVOR
KA PARTILHA ES KLIKE
MA NINGEN DE PIKNIKE 
SEN PROTEJE ALENBIKE

05022020

PASARINHA III

 PASARINHA III

PASARINHA D’ANEL NA BIKE
BO PEGA-M NA FRAGANSA
NA SONBRA DE TANKE D’AGA
TA KOME BIZA ODJE D'AGA
BO KANTA PARABENS A VOSE
PUR FAVOR KA PARTILHA
ES FREGANSA D’AMOR
MA NINGEN DE MAIS VIDA
N TA PROTEJE-BU DE PREDADOR

06/02/2020