Ben rola ma mi n’areia
Pa no rekorda nos storia
De fantazia de amor
Na note de lua xeia
Ta saridja ke txeu fervor
//
Sereia de praia Diant na maré txeu
Nakel sabura danode sen midida
N da un solt mortal na bo ragose
Bu anbrudjo-m na saia de travada
Bu tapa kara ke txapeu de padja
Bu do-m un beje dose na boka
Dosura de bo mel rigo-m veia
Nha korason molesé de paixãu
//
Na kurreria de Balãu
Bu ka ten travãu
Bu meta e ka nhavãu
Iag bu trufeu alteza
//
Na tartan de txan de Salazar
Bu é rekordista Singlar
Bu fka na primer lugar
Plateia vibra d’emosãu
//
Na kapa de Revista de Platina
Bu nome d’eroina de Batina
Pedriniza amdjers gerrera
Bubista stende stera
//
Na rabikada de findone na Kaxukala
Olisanto nateliza poezia de amor
Travadores de linha de frente po kontinênsia
Pa omenajia reziliensia de BERS DE MORNA
Sem comentários:
Enviar um comentário