MINDEL(ÂNDIA) 22

Aló Mindel(ândia)
Manera ke bo está
Bon na grasa de deus
Na konpanhia dun groginha
Ta mitiga mizeria na Lajinha
Festa pá tude bandamóia
Rua de Lisboa na paranóia
Dun festivalin de findesemana
Karnaval de Bankada na pasadera
Mandinga enterrá rei mono na ladera
De praia de Katxor sen kosera
Kavala fresk na verãu
Engordá gastronomia
Festival de Baia já ten dia
Sr. BAFADOR prometé baleia
Pá konpletá sabura de Mindel
Ekonomiazul ankora na Marjinal
Monte Kara ka levá mal
Es é Sonsent real
Kab Verd ka ten igual

16/02/2018