TRIUSEKRETU (71)

TRIUSEKRETU(67)

Na bu menti un segredu
Ta briga ku bu medu
Na pensamentu bu amor
Ta fervé de kalor
Na batuku de bu korason
Ta ritimu de bo paixãu
Na biblia de bo orasãu
Ta fonti di bu kriason
Na suspiru di bu pulmon
T´aroma de bo jasmin
Na bu-s odju de xareu
Ta dizeju d´ama bo mosin
Na bu-s lábius roza
Ta marka dun beju fogozu
Na melodia de bo voz
Ta dosura de bu falar
Na bo roste de maria
Ta stanpod bu ligria
Na palma de bu mon stendedu
Ta signu de bo anel de noivadu
Na bo abrasu maternal
Ta forsa de bu afetu natural
Na bo korpe de violãu
Ta tatuaja de bu bafador
N´ondas de bo mar
Ta luz de bo viajar 
N´areia de bo praia
Ta tenpu de bo vida
Na sonbra de bu imajen
Ta beleza de bo roupajen
Na kordas de bu kabelu d´asu
Ta versus de bo poezia di bersu
Pur amor ama
Masan Luzmar
Segredu leba
Pa fundu di mar
Na kaxon sagradu

11ago2018