NANA

I
NANA NANINHA  I

Rolinha de Toy
Tenper de paixãu
Dexa-m finka tenda trindade
N`amazónia de felicidade
Pa N tekla un poema d`amor
Na bo frota de biodiversidade 

24/08/2019

II
NANA

Ratinha de Toy

Luzinha de nha vida
Lumia-me bo ninhu
Pa N protejé ratinhu
De persegison d´gatinha

30/08/2019

III
Montode na vendaval 

Ti Toy ba pa traboi
Aninha na virtual
Namora Kakoi
Se moda pega
Mundu ta para
Vida ta roda
Tabu ta kaba

Sousany fala verdade
Ti Toy kei na realidade
Kakoi brasa trindade

Mundu gripod
Ti toy flipod
Sousany lixod
Kakoi razod 

31082019

Nana naninha (4)

Ponbinha de Toy
Tenper de nha vida
Dexa-m pouza bo ninhu
Pa N levo-b karinhu
D’algen ke kre kxeu
Na bo gaiola de prata
Ke boka na bo alinbik
Bo kanpin panha un gata
Ti Toy lenbe bik

Mulata (5)

Bo dexi pa morada
Pa faze grog na prasa
Ti Toy parse na 74
Bo fuji na 43
Kakoi na zeru
Da milha na 34