ALUPEKADOR II

ALUPEKADOR II

/

Trabadja n’Agropec

Pa spadja ALUPEC

/

Skribé na KRIOLU

Es txuman di kololu 

/

Finji okupadu
Txomadu di diputadu 

/

Fika gagu 

K’un gota d’agu 

/

Trod d’skola 

Pa djuga bola 

/

Salta n’areia 

Pa brasa sereia 

/

Binde kabra 

Pa izakuta obra 

/

Mama na besta
Pa senti feeling na festa

/

Konvidod pa Nandu 

Pa badja landu 

/

Da burrodje

N’aniversar de Djodje 

/

Purba burgodje 

Pa labanta karodje 

/

Kalsa sapatu 
Pa xuta gatu

/

Odja na fuga 

Salvason di tuga 

/

Munta burru 

Na noti sukuru
/

Papia padja
Pa ngata Badja

/

Finka raiz fundu 

Na morabeza di Mundu 

/

Dexa anu bedju 

Ku puema fidju 

/

Entra anu novu 

Ku votu di povu 

/

Maskara d’OLISANTU

Pa ngana santu 

/

02/01/2009 (12012015)