AMDJER

AMDJER

Amdjer ka ta nase, el ta streia!

Stria na vida, ma na trabodje

Stria na skola, ma na vida

Ma el ta stria

Stria na fakuldad, ma na tiotre

Mesmu ke for na vida, ma el ta stria

I de streia a streia, pok a pok, el ta ba ta fka

Kada dia mas amdjer d' akontesiments, 
El ta stria n' amor, na imusons i na sintiments

Stria tanben na desepsons de relasionaments

Rial o virtual, k'anpurta

Amoroz o nau, ma el ta stria

Stria na skudji parsers ke

Alguns bes pude disepsiona-l, ma el ta stria

Stria na maternidad, onde sertament

Ta da mas bnit fnomene de vida:

Nasiment

Markod pa txor, primer de txeu

Ke sertament ta ben

Amdjer e kunplet na sintiments

Na jests, na imusons

I na txeu de ses atituds

Pesoal o prufisional

El kunkista direit de luta sen par

I atraves de gonhs de se vivensia

El ta stria txeu bez na ses spiriensia

Direit de ser udjod i de sinti amdjer

Amdjer si ka nase, tanbe ka ta murre

El ta muda de tamanhe, txa karinhe, sudad

Linbransa, enfin

Un prova vive de se streia
Tradusaun de Puema de autor deskunxid